下月底在本港上映的《蝙蝠俠對超人:正義曙光》(The Batman v Superman:Dawn of Justice)又有新預告,呢套片係唔少超英迷恨咗好耐想睇。今集講班亞弗力(Ben Affleck)飾演成熟版蝙蝠俠,同扮演超人嘅亨利卡維(Henry Cavill)作正面交鋒。
呢個新預告突顯咗兩者力量懸殊,超人作為神,同凡人蝙蝠俠對打就好似玩公仔咁,輕輕力推就可以將蝙蝠俠推到老遠。超人仲刀槍不入,任由蝙蝠俠點用槍射佢都好,一啲事都冇。
不過都最尾,唔知蝙蝠俠點upgrade副盔甲,當超人出拳打佢嗰時,蝙蝠俠竟然用手擋到,連超人都嚇一嚇!